Surə Sahil Daşdəmirova

Mən İT, Şəbəkə inzibatçılığı və İT Dəstək (Helpdesk) sahəsində özünü inkişaf etdirən, məsuliyyətli və yeniliklərə açıq bir mütəxəssisəm. Problem həlletmə, komanda ilə işləmə və yeni texnologiyaları sürətlə mənimsəmə bacarıqlarına sahibəm.

Məqsədim İT infrastrukturlarının qurulması, şəbəkə təhlükəsizliyinin təmin edilməsi və istifadəçilərə keyfiyyətli texniki dəstəyin göstərilməsi sahəsində bilik və təcrübəmi tətbiq edərək şirkətin inkişafına töhfə verməkdir. İş prosesində dəqiqliyə, nizam-intizama və fasiləsiz özünüinkişafa böyük önəm verirəm.

Azərbaycan Dövlət Neft və Sənaye Universitetində (ADNSU) Kompüter mühəndisliyi ixtisası üzrə bakalavr təhsili almışam (GPA: 3.4). Təhsil dövründə kompüter şəbəkələri, sistem inzibatçılığı, verilənlər bazası və proqramlaşdırma üzrə nəzəri və praktiki biliklərə yiyələnmişəm.

Əlavə olaraq STEP IT Academy-də İT təlimini bitirmişəm və beynəlxalq Cisco Certified Network Associate (CCNA) sertifikatına malikəm. Şəbəkə texnologiyaları, Cisco və Palo Alto avadanlıqlarının tənzimlənməsi, Active Directory və VMware sistemləri üzrə praktiki təcrübəm və biliklərim var.

İş fəaliyyətim dövründə İT dəstək, Helpdesk və şəbəkə inzibatçılığı sahələrində praktiki təcrübə qazanmışam. ABB-nin Şəbəkə departamentində təcrübəçi olaraq şəbəkə infrastrukturu, kommutatorların (switch) tənzimlənməsi, kabelləşdirmə və Palo Alto təhlükəsizlik divarlarında (Firewall) təhlükəsizlik qaydalarının (policy) qurulması proseslərində yaxından iştirak etmişəm. Eyni zamanda, ARPA-da Helpdesk və müştəri dəstəyi üzrə təcrübə keçərək əməliyyat sistemlərinin, Windows PE alətləri ilə sistemlərin format olunması və ilkin quraşdırılması, imtahan sistemlərinin texniki tənzimlənməsi və istifadəçilərə I xətt texniki dəstəyin göstərilməsi tapşırıqlarını uğurla icra etmişəm.